كلامك جميل حمدلله انك موجودة وتعلمينا ❤️

من اجمل الحلقات ماشاء الله تبارك الله عقلية شادن افخر بها الله يكثر من امثالها ..الشكر لله ثم للدكتوره ساره وللمبدعه شادن موفقين♥️♥️

الله يجزاكم الفردوس

دكتوره بنتي عندها سلوك هو استعمال يديها للاستفراغ الله يكرمك لاجل لفت انتباهي وتلبيه رغباتها خاصه وقت النوم او لرفضي اعطاها شي ترغبه (السلوك صار متعب بالنسبه لي لانه تعمله اكثر من خمس مرات باليوم وتستفرغ الله يكرمك ) حاولت التجاهل معها ولكن لا فائده وشكرا لك..

بنتي عمرها 11 بلغت هي لكنها رافضه الحجاب وانها تغطي واجهها جيتها باللين وبالكلام الحلو تصارخ رافضه هالشي وتتحداني تعبت مدري ايش اسوي معها انا وابوها منفصلين وعايشين عند امي امي ملتزمه دينيا ودايم تنصحني بهالشي بس ماقدرت عليها

نبي حلقة عن الطفل الفاقد الاب وكيف ممكن نتعامل معه

طفلي عمره ٦ سنوات مايرضى احد يضحك عليه حتى لو سوا شى مضحك وضحكنا او قال قصة تضحك ويقابل الموضوع بانه يضرب اللي يضحك عليه والاطفال الاخرين اللي اكبر منه يستغلون هذا الشئ ويستفزوه وهو يضربهم وبعدها يجوا يشتكوا انه هو المعتدي بالضرب عليهم فهمته كذا مره انه غلط تضرب واذا ضحك عليك عادي مانزعل ما اقتنع قلت اللي يضحك عليك اضحك عليه لكن بدون ضرب وكمان ما اقتنع ايش الحل 💔.

السلام عليكم اسمي حنان عمري ٢٦ ولدي طفل انجبته وانا بعمر ال ٢٠ سنه انا من عائله جيده جدا ومستقره ولكن لدي عقد نفسيه شديده منذ الصغر والدي توفي في يوم ولادتي وانا الطفل الثامن فالعائله لما توفي والدي كان اكبر اخوتي في سن ال ١٣ سنه ، عانيت الاهمال مالله به عليم وليس والله تقصيرا من امي لكنها حملت نفسها ماليس لها طاقه به واهتمت في الولد الاكبر خلال مروره في مرحلة مراهقه صعبه و اخوتي الكبار ونستني تماما لم تتكلم معي مطلقا لم تدرسني سطرا واحدا وكانت دائم الاتكال على اخوتي في لبسي واكلي واخوتي مجرد اطفال يقولون لها حاضر ولا معامله مثل معاملة الام ، للاسف الشديد تم التحرش بي ٧ مرات من قبل اقارب كانو يأتون المنزل واول مره تعرضت فيها لهذه المواقف كنت في عمر الخامسه ، اعلم انك راح تساليني لماذا لم تخبري امك ، انا والله حاولت واخبرتها مره وقالت لي لالا مافي شي هذا عادي هو كان بس يلعب معك ، ضنا منها واعلم ان في قلبها لم تردني ان افهم ماتعنيه هذه التصرفات لكني بالفعل كنت افهم هي لم تفعل رد فعل تجاه الشخص الذي فعل بي هذا لانها والله اعلم ولم اسالها الى يومنا هذا لكني اعتقد لاني اعلم شخصيتها انها كانت محرجه من ان تتحدث معه لانه من اقارب والدي وليس لها صله او حديث معه و للاسف هذا ماقاد الى الكثير من التحرشات الاخرى التي لم اخبرها بها لاني اخبرتها مره واصمتتني ، انا بدات اكبر واصبحت شخصيه سيئه مع اهلي والمجتمع ولا اعلم لماذا هذا ليس في قلبي ولا معدني كانت هناك كثير من النزاعات مع اهلي ما اسمع كلامهم الغريب انهم بدو يستمعون لي ويعطونني بال بعد ان بدات افتعل المشاكل ولا استمع لهم ، تزوجت مبكرا لاني اردت ان اكون نفسي لم اجبر على ذلك كنت اريد وراضيه و احتاج ان ابتعد قليلا عن حياتي مشكلتي هي : طفلي عمره ست سنوات الان وانا اخاف عليه خوف شديد جدا لا سيطره لي فيه ، والله يا استاذه لدرجة ان ابن اخوي او اي شخص كبير يبي ياخذه البقاله ارفض واقلق ولا استطيع لا استطيع الوثوق ب احد حتى اقرب الناس لي على ابني ، اشعر وكان هناك جبل يقف فوق صدري عندما يذهب مع اي شخص او يختفي عن ناضري حتى عندما يلعب مع اولاد اخواتي وهم في عمر ال ١٠ و ١١ سنه وبعضهم اكبر لا استطيع تركه انضر اليه كل دقيقتين اتاكد انه يلعب ، اخاف ان اخنقه رغم اني احاول جاهده ان لا ينتبه لتصرفاتي لكني اخاف ان يؤثر هذا فيه بشكل من الاشكال هو دائما عندما ارفض ان يذهب مع احد يقولي كلهم يروحون انتي بس تقولين لي لا ويتضايق ويزعل ويشعر ان ماعندي اي سبب ل تصرفاتي واني فقط احاول انكد عليه . ارجو نصيحتي

نبي حلقة عن اسئلة الطفل الايمانية وكيف نجاوب عليها بالشكل الصحيح

الله يسعدكم كيف اقدر اتواصل مع الدكتوره ابي استشاره

حرفيًا لي اسبوعين تقريبًا ويومييييًا اسمعه وقريب اخلصه ،وتواصلت معهم واستشرت واستفدت كثييير وطبقت الكلام ✨ برنامج جميل جميل جميييل تصقل شخصية الامهات والاباء ويفتح اعينهم للتربية ويصحح اخطائهم وعلى قولت الدكتورة مادمنا مارحنا للقبر باقي فيه وقت نصحح اغلاطنا ونعوض🤍🤍 شكرًا لكم دكتورة سارة وطاقم العمل على هالمجهود ويجزاكم خييير يارب ويسخر لكم من جنود الأرض وملائكة السماء 🤍🤍

دكتوره ممكن تتكلمي عن اذا الطفل يضرب براسه الجدار ويأاذي نفسه مانفع معه التجاهل ولا اي طريقه وعمره سنتين ونص شديد العصبيه احاول امتص غضبه انا لكن المشكله مع العامله او اخوانه اي احد يسحب منه شي او يرفض يقعد يضرب راسه بالجدار يحزني مو عارفه اتصرف معه ممكن ٢٠مره او اكثر بكثير في اليوم ينضرب راسه بديت اضربه ذحين لانه مانفع لاتطنيش ولا غيره معه وصار يخاف اني اضربه اسئله هل ضربت راسك بالجدار يقول لا وانا سامعته انه ضرب راسه والله تعبت اخر اليوم اقعد اتحسف على ضربي له

سلام عليكم استاذه ماابي اطول عليك ولد اختي عمره ٥ سنوات وولدي عمره ٣ والصغير سنه ومره من ادخل بيت اهلي لين اطلع وهو يضربه وياخذ العابه بس يبيه يبكي وكلمت امه ولا سوت شيء اخر شي تقول انتي اضربيه وصراحه جلست ساكته وهو يضربه قبل لا اولد ولدي الصغير والوضع نفسه والحين تمادا على الصغير واختي كل ماكلمها تقول شسوي اضربيه صرة ادافع عن ولدي صراحه قولي لي الحل صرة معاد اروح لاهلي بسبته الله يصلحه تخيلي انو اجلس عند اهلي سبوع وهو على نفس الحال من اول اليوم لاخره وهو يبكي منه صار يوترني واستحي اقوم اتفاهم مع بزر مايحسب حسابي مرات يطلعون لحديقة البيت يجيني معبي ملابسه رمل وهو يبكي مقهور ياليت تشوفين لي حل 💔😩

سلام عليكم انا ابي استشيرج اشلون اقدر اتواصل معاج ؟ انا بنتي فيها خوووف واكثر شي تخاف منه اهوا السباحه اشلون اقدر اخليها تحبها حاولت جميع المحاولات

.. ابي استشيرك بطفلتي تمشي وتضرب الاطفال الي كبرها او اكبر او اصغر

الله يكتب اجرك ويسعدك في الدنيا والآخرة استفدت منك كثير

ليتك تعيدين النظر في تغريداتك صايره سامجه كلها عن الزوج الزوج الزوج واضح فيك حره على ابو عيالك و تبين تفرغينها احنا تابعناك على اساس تربويه فياليت تلتزمين🤗

انا اشكر السوشل ميديا اللي عرفتني على شخصية جميلة و دكتورة اجمل / سارة♥️♥️ اتمنى الاقي طريقه لاستشاره منك إذا فيه مجال 🥺؟

شكرًا دكتوره ساره برنامج رائع يقدم حلول لكل مربي لكل سلوك يصعب عليك مع طفلك تجد الحل السهل والطريقة الصحيحة مرجع لكل المربين يعطيك العافية

رائع ومفيد جدًا من ارض الواقع المواقف شكرًا لك ❤️ ولعطائك 💕

اتابع البرناج منذ الحلقة الاولى ! رااائعه يادكتورة سارة وكلامك كله يطبق بسهولة بدون تنظير كتب غير واقعي

برنامج ملم بالجوانب التربوية و يجيب على التساؤلات التي تطرأ على المربي. بارك الله في الجهود المبذولة

ليش البرنامج فقط بل الدكتورة سارة هي أفضل وأعظم مكسب لنا بالسوشل ميديا .. أستمع لها في الصباح وأنا ذاهب للعمل وأصبحت الحلقة مادة صباحية لمدة ساعة وهو وقت وصولي للعمل .. إستفدت الكثير ومازالت أستفيد من توجيهاتها العظيمة القيمة .. حفظك الله يادكتورة

كتير مبسوطة اني قدرت اعرف عن الدكتورة سارة و أسمع نصائحها خصوصًا انو عندي طفلين.. اتمنى اكون احد المشاركات في البرنامج لأني احتاج مساعدتها بس مش عارفة كيف..

برنامج تربوي رائع و مرجع لكل مربية ومربي. من خلال البرنامج ستدرك حتمًا -كمربية أو مربي- دورك و ردة فعلك هي غالبًا بوصلة لسلوك الطفل. جزيل الشكر للدكتورة سارة و مايكس 🙏🏻

عندي استشاره كيف اكلمها

ماشاءالله برنامج رائع استفد منه كثير الله يجزاكم الجنه ويرزقكم من واسع فضله 🌹